Ti knăm anei, Lê Tiến Châu mñă leh klei bi mjĕ mâo mơ̆ng đưm, sĭt suôr lehanăn sui thŭn plah wah dua ala čar Việt Nam lehanăn Lao. Hŏng ƀuôn prŏng Hải Phòng, klei bi mjĕ hgŭm bruă plah wah buôn prŏng hŏng čar Viêng Chăn lehanăn čar Oudomxay hlăm dŭm thŭn êgao dưi mâo leh boh tŭ dưn jăk siam hlăm bruă mkŏ mkra Đảng, bruă sang čư̆ êa alŭ wăl, bruă mtô bi hriăm, mdrao mgŭn, hiu čhưn ênguê, bi hgŭm duh bi liê lehanăn mnia mblei.

Bounthong Chitmany bi mni kơ hdră bi hgŭm, bi mjut mjing plah wah ƀuôn prŏng Hải Phòng hŏng čar Viêng Chăn lehanăn Oudomxay mơ̆ng Lào; lač jăk klei đru mơ̆ng Hải Phòng hlăm bruă bi hriăm phung sinh viên Lao ti dŭm sang hră gưl prŏng lehanăn čang hmăng ƀuôn prŏng Hải Phòng lŏ dơ̆ng đru mnuih mă bruă mâo hnơ̆ng thâo kơ Lao lehanăn mđĭ klei bi hgŭm kluôm dhuôm mơ̆ng dua tĭng./.