Khua bruă kƀĭn ala Vương Đình Huệ bi mni kơ klei bi trông tŭ dưn plah wah Khua čih hră bruă kƀĭn ala leh anăn Êpul hgŭm knŭk kna Cuba hŏng Khua čih hră, Khua adŭ bruă kƀĭn ala Việt Nam kơ hdră mđĭ klei bi hgŭm plah wah dua Adŭ bruă kƀĭn ala.

Hlăm klei drông, Khua bruă kƀĭn ala Vương Đình Huệ leh anăn  Khua čih hră bruă kƀĭn ala leh anăn Êpul hgŭm knŭk kna Cuba Homero Acosta Álvarez lač, thŭn 2023 jing thŭn bi hdơr 50 thŭn gưl nao čhưn mơ̆ng Khua gĭt gai Fidel Castro ti krĭng mtlaih êngiê kwar Dhŭng Việt Nam hlăm čar Qủng Trị, dua tĭng brei mâo dŭm bruă ngă klă sĭt kñăm bi hdơr klei yuôm bhăn anei. Êngao anăn,  brei hâo hưn mtô mblang kơ ênuk mda asei dua ala čar thâo săng kơ hƀuê ênuk, knhuah gru klei bi hgŭm dua ala čar./.