Khua bruă kƀĭn ala Vương Đình Huệ lač, klei bi tuôm anei jing wưng yuôm bhăn kñăm bi trông kơ bruă alŭ wăl truăn kơ bruă duh mkra, mđing hmư̆ klei blŭ hrăm mơ̆ng alŭ wăl anei, mâo hdră êlan iêo jak klei duh bi liê plah wah phung duh mkra dua nah. Êpul grŭp mđĭ kyar alŭ wăl duh mkra Clark mâo boh prŏng êbeh 32 êbâo ha ti anăn mâo lu mta bruă ngă msĕ si bruă hâo hưn, bruă ba yua kdrăp mrâo mrang, bruă êdeh phiơr, logistics lehanăn bruă hiu čhưn ênguê.

Truh kơ ară anei ti êpul grŭp anei mâo leh jih jang truh 1 êbâo 100 phung duh mkra, ba yua truh 127 êbâo čô mnuih ngă bruă, dưi mâo ba wĭt truh 3,9 êklai dolar. Bruă anei, ăt jing klei bi ruĕ gưl hiu čhưn ti Philipin mơ̆ng khua bruă kƀĭn ala Vương Đình Huệ lehanăn êpul khua prŏng ala čar drei./.