Nao hlăm knăm anăn mâo Khua bruă Đảng hlăm bruă kƀĭn ala, Khua bruă kƀĭn ala Vương Đình Huệ, Khua hlăm phŭn bruă kđi čar, Khua hlăm bruă Đảng gưl dlông, Khua êpul kiă kriê bruă knuă gưl dlông Phan Đình Trạc. Blŭ hlăm knăm anăn, Khua bruă kƀĭn ala Vương Đình Huệ lač, hlăm wưng êgao, bruă bi mguôp plah wah Bruă Đảng hlăm bruă kƀĭn ala hŏng êpul kiă kriê bruă knuă gưl dlông dưi mâo nanao klei uêñ mĭn, bi kjăp, đru hlăm bruă đrŭ kčĕ mơ̆ng 2 anôk bruă, đru kơ êpul ngă bruă gưl dlông, klă anăp jing Phŭn bruă kđi čar, Êpul khua bruă Đảng, Êpul gĭt gai mơ̆ng gưl dlông kơ bruă gang mkhư̆ klei ƀơ̆ng ngăn, klei amâo mâo jăk.

Êpul mlih mrâo klei bhiăn gưl dlông kơ dŭm mta bruă knuă, gang mkhư̆ klei ƀơ̆ng ngăn, klei amâo mâo jăk leh anăn mlih mrâo hdră bhiăn. Dŭm boh tŭ dưn dưi mâo hlăm bruă gang mkhư̆ klei ƀơ̆ng ngăn, klei amâo mâo jăk, kiă kriê bruă knuă leh anăn mlih mrâo hdră bhiăn mâo klei đru mguôp prŏng mơ̆ng 2 anôk bruă.