Khua bruă kƀĭn ala Trần Thanh Mẫn bi êdah klei mơak ƀuh klei mjĕ mgiăm jăk siam Việt Nam-Japon mâo dŭm knhuang đĭ kyar jăk, leh êbeh 50 thŭn mkŏ mjing klei mjĕ mgiăm, hŏng bruă dua ala čar lŏ mđĭ hĭn klei bi hgŭm, nao hlăm knhuang kluôm dhuôm hĭn, kyua klei êđăp ênang lehanăn mdrŏng sah ti Asi lehanăn tar rŏng lăn; mñă klei bi đăo knang bruă kđi čar plah wah dua ala čar ƀrư̆ hrue mâo bi kjăp. Ti anôk bi tuôm, dua nah yap yuôm klei bi mguôp dua Đảng Cộng sản Việt Nam lehanăn Đảng Cộng sản Japon. Bi tŭ ư lŏ hyuă kjăp hĭn, hŏng lu hdră mă bruă jăk, boh nik mjut mjing êpul khua kiă kriê mda asei, mâo nanao klei bi trông mbĭt, bi đru hlăm hdră êlan mă bruă lehanăn bi hưn kơ dŭm boh klei tar rŏng lăn lehanăn hlăm alŭ wăl, kơ klei hlak mblang bruă mkŏ mjing hdră êlan yang ƀuôn ngă phŭn êngiê hlăm dua ala čar lehanăn tar rŏng lăn.

Hlăm klei nao čhưn kơ Japon, Khua bruă kƀĭn ala Trần Thanh Mẫn drông čhưn leh Saito Tetsuo Khua Đảng klă mngač Japon./.