Êbeh 30 thŭn mkŏ mjing klei bi hgŭm, boh nik hŏng bruă mđĭ jing ƀĭng hgŭm kluôm hlăm thŭn 2022, klei bi hgŭm Việt Nam - Dhŭng Korea dôk hlăm wưng đĭ kyar jăk hĭn mơ̆ng êlâo truh ară anei. Hlue si Khua bruă kƀĭn ala Trần Thanh Mẫn, anăn jing tur  knơ̆ng kơ dŭm anôk bruă duh mkra dua ala čar hơĭt ai tiê bi hgŭm sui, hnơ̆ng prŏng hĭn leh anăn tŭ jing hĭn.

Lu thŭn êgao, Dhŭng Korea mđĭ lar nanao jing ala čar mrô sa kơ klei bi liê ti Việt Nam, yap jih mlan 11 thŭn anei mâo giăm 90 êklai USD. Khua bruă kƀĭn ala Trần Thanh Mẫn čang hmăng hlăm wưng kơ anăp, Êpul grup Samsung đru kơ Việt Nam mđĭ klei dưi bruă duh mkra hlăm ala čar čiăng dưi hgŭm hlăm hdră mkăp mơ̆ng Êpul grup; čang hmăng Êpul grup jing pô duh bi liê kluôm, đru mguôp prŏng kơ bruă duh mkra Việt Nam, đĭ kyar jing anôk bruă tuh tia mkra mjing kăp đru.