Blŭ gĭt gai klei kƀĭn, Khua bruă kƀĭn ala Trần Thanh Mẫn brei thâo, thŭn 2024, khădah mâo lu klei dleh dlan, boh nik hmăi mơ̆ng angĭn êbŭ mrô 3 ngă truh, ƀiădah klei đĭ kyar GDP ăt mâo hlăm brô 7%, 15/15 hnơ̆ng čuăn mơ̆ng Bruă Kƀĭn Ala ba mdah, bi hơĭt klei hdĭp yang ƀuôn dưi rơ̆ng kjăp.

Hlăm thŭn 2025 mâo lu gru kruăk yuôm bhăn mơ̆ng lăn čar, khua Bruă Kƀĭn Ala mñă kơ dŭm anôk bruă mơ̆ng Bruă Kƀĭn Ala, adŭ bruă Bruă Kƀĭn Ala, dŭm anôk bruă mơ̆ng dhar Bruă Kƀĭn Ala srăng gĭr hĭn čiăng mgaih msir dŭm klei dleh kpăk, klei dôk mâo. Boh nik bruă hluê ngă hdră mtrŭn mrô 18 mơ̆ng gưl dlông kơ mkŏ dăp phung ngă bruă knŭk kna čiăng dưi ngă jăk.