Aguah mbruê, hlăm klei nao čuă ala čar Campuchia, Khua bruă kƀĭn ala Vương Đình Huệ leh anăn êpul bi ala gưl dlông bruă Kƀĭn ala Việt Nam bi tuôm leh hŏng K’iăng khua kiă kriê čar Kampong Thom, ala čar Campuchia. Hlăm mmông nao čuă leh anăn mă bruă hŏng knơ̆ng bruă ksu Tân Biên, Khua bruă kƀĭn ala Vương Đình Huệ bi êdah klei hơ̆k mơak êjai găn dŭm đang ksu mtah mda leh anăn prŏng. Klei mtah mda anăn bi klă kơ klei mjĕ giăm 2 ala čar Việt Nam leh anăn Campuchia.

Khua bruă kƀĭn ala Vương Đình Huệ mñă klă, mâo dŭm boh tŭ dưn anăn, êngao kơ klei gĭr mơ̆ng phung khua kiă kriê leh anăn phung knuă druh, mnuih mă bruă ti knơ̆ng bruă, lŏ mâo klei sa ai, klei đru, klei bi mguôp, mkŏ mjing klei găl mơ̆ng knŭk kna ala mtao Campuchia, klă anăp jing bruă sang čư êa čar Kampong Thom. Ƀri wưng anei, Khua bruă kƀĭn ala yap yuôm bhăn leh anăn lač jăk kơ bruă sang čư êa čar, dŭm knơ̆ng, dhar bruă hlăm čar, kdriêk mâo leh klei sa ai, mkŏ mjing klei găl dưi ngă bruă kơ knơ̆ng bruă.