Blŭ hrăm hlăm klei bi kƀĭn, Khua bruă kƀĭn ala Vương Đình Huệ mtă, Êpul gơ̆ng bruă ƀuôn sang čar Quảng Trị brei lŏ dơ̆ng ksiêm dlăng êlam leh anăn bi klă klơ̆n, hlue ngă jăk dŭm Hdră mtrŭn mơ̆ng Đảng, hdră mtrŭn mơ̆ng gưl dlông, hdră mtrŭn klei bi kƀĭn tal 5 Bruă kƀĭn ala gưl 15 mrâo bi mklă jing Hdră mtrŭn mơ̆ng Êpul gơ̆ng bruă ƀuôn sang čar hlăm djăp mta bruă. Lŏ dơ̆ng mlih mrâo ktang, mđĭ hnơ̆ng jăk, klei tŭ dưn ngă bruă mơ̆ng Êpul gơ̆ng bruă ƀuôn sang hlăm bruă bi mklă klei yuôm bhăn ti alŭ wăl.

 Kƀĭn ruh mgaih klei gun kpăk dưi lač leh, lŏ dơ̆ng bi leh klei bhiăn čiăng mđĭ kyar čar Quảng Trị, mđĭ hnơ̆ng dŭm hdră bruă duh bi liê knŭk kna, anôk bruă nah gŭ, bruă duh mkra ala ƀuôn, boh nik dŭm hdră bruă phŭn, yuôm bhăn ti čar, dŭm hdră kñăm ala čar, hdră kơrŭ wĭt leh anăn mđĭ kyar bruă duh mkra./.