Hlăm mmông blŭ hrăm, Khua bruă kƀĭn ala Vương Đình Huệ đăo knang, ti gŭ klei gĭt klei mơ̆ng Khua mil čhil, Khua gĭt gai Thượng viện leh anăn khua gĭt gai Hạ viên, ala čar Philippines srăng ƀrư̆ hruê ƀrư̆ mrâo mrang, mdrŏng sah, bruă klam leh anăn k’hưm ƀrư̆ hruê ƀrư̆ đĭ hlăm alŭ wăl leh anăn tar rŏng lăn.

2 čô khua gĭt gai yap yuôm bhăn klei bi mguôp plah wah dŭm anôk bruă klei bhiăn 2 ala čar hlăm 2 tĭng leh anăn lu tĭng, mñă klă bruă klam jing mta kñăm mơ̆ng klei bi mguôp Nghị viện hlăm klei mđĭ klei mjĕ giăm lu tĭng leh anăn 2 tĭng plah wah dŭm ala čar. Hlăm wưng kơ anăp, 2 čô khua gĭt gai bi tŭ ư srăng lŏ rơ̆ng klei bi trông êpul, boh nik jing êpul khua gĭt gai gưl dlông plah wah 2 anôk bruă klei bhiăn 2 ala čar, mđĭ hĭn klei kah mbha klei hriăm plah wah dŭm Dhar bruă kơ bruă čih mkra klei bhiăn leh anăn ksiêm dlăng, rơ̆ng klei ksiêm êmuh, bi mguôp leh anăn bi sa ai hdơ̆ng pô hlăm dŭm hdră bi mguôp lu tĭng.