Blŭ hlăm mmông bi tuôm, Khua bruă kƀĭn ala Vương Đình Huệ mñă klă, Êpul čiăng mlih mrâo hdră êlan čuăl mkă ƀuôn prŏng, rơ̆ng kơ klei čuăl mkă mâo hdră tă, hrăm mbĭt leh anăn mrâo mrang, mă anak mnuih leh anăn hnơ̆ng tŭ jăk klei hdĭp jing mta kñăm, khut khat lăm lui klei mĭn wưng păn bruă, klei čuăl mkă amâo mâo ngă, hdră akâo boh tŭ knŏng kơ êpul mkŏ mjing, mkra mlih leh anăn bi mbŏ hdră čuăl mkă.

Khua bruă kƀĭn ala Vương Đình Huệ mñă ktang klei yuôm bhăn mơ̆ng bruă čuăl mkă, boh nik jing klei čuăl mkă ƀuôn prŏng. Klă klơ̆ng, 75% boh kdrŭt mđĭ kyar tar rŏng lăn mâo mơ̆ng wăl krah. Hlăm klei bi tuôm, phung hgŭm hlăm Êpul bi mguôp leh klei blŭ kơ klei bhiăn yua lăn (mkra mlih), klei bhiăn sang dôk, klei ƀhiăn čuăl mkă ƀuôn prŏng, klei bhiăn mnia mblei sang lăn…