Aguah mbruê 20/10, ti sang bruă kƀĭn ala mkŏ mjing knăm pŏk klei kƀĭn tal 4, bruă kƀĭn ala gưl 15 ti gŭ klei gĭt gai mơ̆ng Khua bruă kƀĭn ala Vương Đình Huệ.

Mĭn tĭng mă bruă hlăm 21 hruê, Bruă kƀĭn ala srăng ksiêm dlăng, brei boh blŭ leh anăn bi klă lu mta phŭn yuôm bhăn djŏ tuôm hŏng bruă duh mkra – ala ƀuôn leh anăn ngăn prăk ala čar. Ksiêm dlăng bi klă 7 hdră klei bhiăn, 3 hdră mtrŭn mâo dŭm mta klei bhiăn ala čar, bi trông, brei klei blŭ kơ 7 hdră klei bhiăn mkăn.

Blŭ hlăm knăm pŏk, Khua bruă kƀĭn ala Vương Đình Huệ mñă klă, ti gŭ klei gĭt gai mơ̆ng Đảng leh anăn knŭk kna, hdră êlan djŏ guôp, čŏng pô leh anăn ktuê dlăng mâo boh tŭ dưn mơ̆ng bruă kƀĭn ala, Klei gĭt gai, ktrâo lač ktang phĭt mơ̆ng knŭk kna, Khua knŭk kna, klei bi mguôp plah wah dŭm gưl bruă, dhar bruă. Boh sĭt ala čar hlăm 9 mlan thŭn 2022 mâo lu boh tŭ dưn yuôm bhăn. Klei đĭ kyar GDP 9 mlan mâo 8,83%, lu hĭn yap mơ̆ng thŭn 2011 truh kơ ară anei, Dŭm anôk bruă duh mkra mâo klei krŭ wĭt leh anăn đĭ kyar ktang.