Ƀri wưng Wan Muhamad Noor Matha mâo mtao Thailand bi klă ruah mdưm ngă Khua bruă kƀĭn ala Thailand, bi ala kơ ala čar Việt Nam leh anăn kơ pô, Khua bruă kƀĭn ala Vương Đình Huệ mâo leh hră mơĭt hơêč hmưi. Hlăm hră anăn, Khua bruă kƀĭn ala bi êdah klei hơ̆k mơak kyua ƀuh klei mjĕ giăm plah wah 2 ala čar leh anăn klei bi mguôp plah wah Anôk bruă hdră bhiăn 2 ala čar amâo mâo mdei dưi bi kjăp, ƀrư̆ hruê ƀrư̆ đăo knang leh anăn klă klơ̆ng.

Khua bruă kƀĭn ala Vương Đình Huệ hmăng hmưi bi mguôp kjăp hŏng Wan Muhamad Noor Matha kñăm mđĭ hĭn klei bi mguôp plah wah 2 Bruă kƀĭn ala, đru ba klei mjĕ giăm bi mguôp hdră êlan mđĭ hnơ̆ng Việt Nam – Thailand ƀrư̆ hruê ƀrư̆ đĭ kyar hĭn, kyua boh tŭ dưn kơ mnuih ƀuôn sang 2 ala čar, kyua klei êđăp ênang, hơĭt kjăp, đĭ kyar mơ̆ng ASEAN ăt msĕ hŏng alŭ wăl Asi – Pacific leh anăn dlông rŏng lăn.