Mmăt mbruê, 29/11, hluê mmông alŭ wăl, Khua bruă kƀĭn ala Vương Đình Huệ lehanăn Êpul bi ala gưl dlông mơ̆ng Anôk bruă kƀĭn ala truh leh ti tač êdeh phiơr Fairbain, ƀuôn prŏng phŭn Canberra mphŭn gưl čhưn Australia hluê asăp jak iêu mơ̆ng Khua Hạ viện Australia Milton Dick, Khua Thượng viện Australia Sue Lines. Gưl nao čhưn ti Australia mơ̆ng Khua bruă kƀĭn ala lehanăn êpul bi ala gưl dlông tal anei đru mguôp bi êlam hĭn klei bi mjĕ ƀĭng hgŭm phŭn mơ̆ng dua ala čar, mđĭ klei bi mjĕ plah wah phung khua gưl dlông lehanăn mtrŭt mđĭ hdră bi hgŭm mơ̆ng dua anôk bruă čih mkra hdră bhiăn dua ala čar.

Mbĭt anăn, mđĭ hĭn klei bi hgŭm hlăm bruă duh mkra, mnia mblei – duh bi liê, mtô bi hriăm, bruă lĭng kahan – răng mgang klei êđăp ênang. Hlăm gưl hiu čhưn anei, Khua bruă kƀĭn ala nao kkuh, bi tuôm hŏng phung Khua gưl dlông mơ̆ng Australia; nao ti Klei kƀĭn bi hgŭm bruă duh mkra, bruă mtô bi hriăm, nao čhưn dŭm sang hră gưl prŏng, bi tuôm, bi blŭ hrăm hŏng êpul mnuih Việt Nam dôk ti Australia./.