Lŏ dơ̆ng gưl nao čhưn klă sĭt ti Australia, tlam mbruê 2/12 hlue si mmông alŭ wăl, ti sang hră gưl prŏng RMIT, ƀuôn prŏng Melbourne, bang Victoria, Khua bruă kƀĭn ala Vương Đình Huệ nao hlăm klei bi kƀĭn bi hgŭm bruă duh mkra Việt Nam-Australia.  Khua bruă kƀĭn ala Vương Đình Huệ mñă klă, klei bi hgŭm kđi čar năng đăo knang leh anăn jăk siam plah wah dua ala čar jing tur knơ̆ng kơ klei đĭ kyar  kơ klei bi hgŭm kluôm hlăm jih jang bruă mơ̆ng Việt Nam leh anăn Australia.

Tơdah klei bi hgŭm jăk siam, đăo knang kơ kđi čar, bruă hŏng tač êngao jing tur knơ̆ng, snăn klei mjĕ êrô mnuih ƀuôn sang jing klei bi hgŭm ktang hĭn. Klei mjĕ êrô mnuih ƀuôn sang mâo klei đru mguôp mơ̆ng tuê hiu čhưn dua ala čar. Hlăm anăn, êpul êya Việt Nam ti Australia hlăm brô 350 êbâo čô jing êpul êya tal 5 mơ̆ng ala tač êngao ti Australia. Khua bruă kƀĭn ala Vương Đình Huệ lač, anei jing dĭng ktang mơ̆ng klei bi hgŭm, klei mđĭ ai kơ klei bi hgŭm dua ala čar, snăn klei bi hgŭm bruă duh mkra mnia blei leh anăn duh bi liê jing boh kdrŭt yuôm bhăn kơ klei bi hgŭm Hdră bruă mơ̆ng dua ala čar./.