Khua bruă kƀĭn ala bi myuôm klei bi mguôp plah wah dua ala čar, hgŭm bruă mjuăt bi hriăm mâo leh klei yuôm bhăn lehanăn knư̆ hrue knư̆ đĭ kyar hĭn. Hŏng êbeh 30 êbâo čô phung hriăm lehanăn ksiêm duah klei kreh knhâo Việt Nam dôk hriăm mjuăt ti ala čar Australia, mâo leh klei đru kơ bruă mjuăt mjing mnuih kreh knhâo kơViệt Nam, lehanăn lŏ hyuă kjăp klei bi mguôp hlăm dhar kreh mnuih ƀuôn sang dua ala čar.

Khua phŭn bruă sang hră mơar Australia lač, Việt Nam dôk tal 4 mâo ênoh hđeh nao hriăm lehanăn phung ksiêm hriăm kơ klei kreh knhâo dôk hriăm ti Australia, lehanăn mâo klei đăo knang bi hgŭm prŏng hĭn hlăm bruă sang hră mơar dua ala čar. Dua nah lŏ mkŏ mjing lu bruă ngă hlăm klei bi mguôp sang hră mơar Việt Nam – Australia, ƀri gưl nao čhưn kơ ala čar Australia mơ̆ng khua bruă kƀĭn ala jing sa mta bruă ngă yuôm bhăn, đru mđĭ hĭn klei bi mguôp dua nah./.