Ti Toà Giám mục Kon Tum, bi ala kơ bruă Đảng čar, Êpul gơ̆ng bruă ƀuôn sang, bruă sang čư̆ êa, dhar bruă mặt trận čar Kon Tum, Dương Văn Trang, Khua bruă Đảng čar Kon Tum hơêč hmưi kơ phung giám mục, linh mục leh anăn phung đăo Khop sa yan Noel êđăp ênang, yâo mơak. Khua bruă Đảng čar Kon Tum čih yap klei nao hgŭm hur har mơ̆ng phung djă bruă, phung đăo Khop hlăm hdră bi ktưn khăp kơ lăn čar, hriăm mbĭt hŏng bruă Đảng, bruă sang čư̆ êa alŭ wăl mkŏ mjing čar Kon Tum ƀrư̆ hruê ƀrư̆ đĭ kyar.

Dương Văn Trang ăt bi trông hŏng phung linh mục kơ dŭm hdră êlan mơ̆ng čar mơ̆ng ară anei truh jih thŭn 2025 đru kơ dŭm gŏ sang ƀun lăm lui giăm 1.600 sang dôk êjai, sang tĭ ƀrôč čiăng kơ mnuih ƀuôn sang mâo anôk dôk jăk hĭn. Ñu bi êdah klei hmăng hmưi hlăm wưng kơ anăp, ti gŭ klei mtô mơ̆ng phung giám mục, linh mục, phung đăo ti Kon Tum lŏ dơ̆ng bi lar dŭm boh tŭ dưn dưi mâo, hdĭp jăk, đăo djŏ, bi mguôp hlăm mbĭt mkŏ mjing čar Kon Tum ƀrư̆ hruê ƀrư̆ mdrŏng siam.