VOV4.Êđê- Hluê ngă hdră bi tuôm hŏng phung bi ala êlâo kơ klei kƀĭn tal 4, bruă kƀĭn ala gưl 15, Khua gĭt gai Đảng Nguyễn Phú Trọng mrâo mâo mmông bi tuôm hŏng phung bi ala ti 3 kdriêk čar Đống Đa, Ba Đình, Hai Bà Trưng, ƀuôn prŏng Hà Nội. Phung bi ala yap yuôm bhăn bruă ngă mơ̆ng Êpul gĭt gai gưl dlông kơ bruă gang mkhư̆ klei ƀơ̆ng ngăn, klei amâo mâo jăk mơ̆ng Khua gĭt gai Đảng Nguyễn Phú Trọng ngă khua êpul hlăm wưng êgao dưi gĭt gai ktang phĭt dŭm anôk bruă ksiêm duah, kcŭt hưn, ƀuah mkra klei ƀơ̆ng ngăn, klei amâo mâo jăk. Êngao kơnăn, dŭm anôk bruă Kƀĭn ala, knŭk kna dưi ƀuah mkra djŏ hruê mmông.

Khua gĭt gai Đảng Nguyễn Phú Trọng bi tuôm hŏng phung bi ala ti ƀuôn prŏng Hà Nội

Bi ala kơ phung bi ala bruă kƀĭ ala Hà Nội, Khua gĭt gai Đảng Nguyễn Phú Trọng mđing hmư̆ dŭm klei blŭ mơ̆ng phung bi ala. Wưng anei, Khua gĭt gai Đảng Nguyễn Phú Trọng hmăng hmưi bruă Đảng, bruă sang čư êa leh anăn mnuih ƀuôn sang ƀuôn prŏng Hà Nội gĭr ktưn mđĭ kyar ktang, ƀrư̆ hruê brư̆ mđĭ kơhưm ƀuôn prŏng phŭn mơ̆ng ala čar Việt Nam amâo mâo mdê hŏng dŭm ƀuôn prŏng phŭn tar rŏng lăn.

VOV/Pô mblang: Y-Bel