VOV4.Êđê- Tlam mbrue (17/10), ti anôk bruă Đảng gưl dlông Khua gĭt gai Đảng Nguyễn Phú Trọng drông čhưn leh hŏng khua mil čhil Singapore Halimah Yacob lehanăn êpul bi ala gưl dlông Singapore ƀri mâo gưl hriê čhưn truh hŏng Việt Nam. Ti anôk drông Khua gĭt gai Đảng lač, Việt Nam jih ai tiê bi myuôm klei bi mguôp kluôm dhuôm hŏng Singapore, čang hmăng kơ dua ala čar lŏ dơ̆ng mđĭ hĭn klei tŭ dưn hgŭm bruă prŏng prĭn mơ̆ng klei bi mjĕ êrô, bi trông, lehanăn bi tuôm gưl dlông jêñ jêñ, lehanăn djăp gưl dơ̆ng mơ̆ng Đảng, knŭk kna, bruă kƀĭn ala lehanăn phung ƀuôn sang, mđĭ hĭn klei tŭ dưn hgŭm bruă duh mkra mnia mblei, duh bi liê, lehanăn mjing djăp klei găl kơ bruă lŏ kơrŭ wĭt klei duh mkra leh klei ruă tưp.

Khua gĭt gai Đảng jao kơ dŭm dhar bruă djŏ tuôm mơ̆ng Việt Nam bi hgŭm kjăp hŏng ƀĭng hgŭm mơ̆ng Singapore ngă bi sĭt jih jang klei leh bi tŭ ư hlăm gưl khua mil čhil hriê čuă lehanăn kyua klei tŭ dưn kơ phung ƀuôn sang dua ala čar./.

VOV/Pô mblang: Y-Khem