Sei Čhum bi êdah klei mơak mâo hriê čhưn ti Việt Nam hlăm thŭn hgŭm mbĭt Việt Nam – Campuchia, lač jăk kơ Khua gĭt gai Đảng Nguyễn Phú Trọng drông êpul bŏ hŏng klei khăp. Ñu lač, Campuchia srăng hgŭm hŏng Việt Nam bi răng mgang, kriê pioh, ksul mbŭ, lehanăn lŏ čuê kơ dŭm gưl êdei klei bi mguôp jăk siam, lehanăn klei bi mguôp 3 Đảng, 3 ala čar Việt Nam – Campuchia – Lao.

Ñu hưn mthâo kơ boh tŭ dưn klei bi trông hŏng Khua bruă kƀĭn ala Vương Đình Huệ, boh klei ti Campuchia ară anei. Khua gĭt gai Đảng bi myuôm kơ boh tŭ dưn Sei Čhum hriê čhưn, yap klei bi mguôp dua nah jing yuôm bhăn, đru kơ grăp ala čar đĭ kyar, phung ƀuôn sang trei mđao, jăk yâo. Khua gĭt gai Đảng bi trông kơ dŭm hdră êlan bi mguôp hlăm dŭm hdră êlan kơ anăp, boh nik klei bi tuôm gưl dlông Đảng, knŭk kna, bruă kƀĭn ala, dŭm phŭn dhar bruă, êpul êya, alŭ wăl lehanăn bi hriăm mbŏ kơ hđeh gưl mrâo klei bi mguôp Việt Nam – Campuchia./.