Tlam mbrue (21/10), ti anôk bruă Đảng gưl dlông, Khua gĭt gai Đảng Nguyễn Phú Trọng drông čhưn leh hŏng Khua gĭt gai Êpul hgŭm lu ala čar Antonio Guterres. Khua gĭt gai Đảng mbĭt hŏng khua gĭt gai Êpul hgŭm lu ala čar bi trông leh kơ hƀuê ênuk, dhar kreh lăn čar Việt Nam lehanăn dŭm klei jăk siam mơ̆ng anak mnuih Việt Nam; bi trông kơ jih jang boh tŭ dưn Việt Nam mâo leh hlăm 35 thŭn mlih mrâo, boh tŭ dưn jăk hlăm dŭm thŭn giăm anei hlăm bruă mdrơ̆ng hŏng klei ruă tưp Covid 19, lŏ kơrŭ wĭt bruă duh mkra pral, rơ̆ng kơ klei hdĭp mda ala ƀuôn.

Khua gĭt gai Đảng lač, Việt Nam sa hnơng hlăm klei bi mguôp hŏng ala tač êngao, čŏng pô, êngiê hgŭm mbĭt, hgŭm bruă mđĭ kyar djăp mta, bi mguôp hŏng lu tĭng, jing ala čar hgŭm yuôm bhăn, mâo bruă klam hŏng lu ala čar./.