Khua gĭt gai Đảng Nguyễn Phú Trọng hơ̆k mơak kkuh drông Chan Sa Mon Chan Nha Lat djă akŏ êpul khua bi ala bruă lĭng kahan Lao hriê čhưn kơ Việt Nam, bi myuôm klei bi mguôp mâo leh mơ̆ng đưm bruă lĭng kahan dua ala čar êlâo dih, lehanăn ară anei msĕ mưh, boh tŭ dưn klei bi trông dua nah.

Khua gĭt gai Đảng čang hmăng Phŭn bruă lĭng kahan dua nah lŏ dơ̆ng păn kjăp bruă pô bi mguôp leh, bi leh bruă kčah jao, bi mguôp hlue ngă tŭ jing hdră mtrŭn mbĭt kơ klei hgŭm lĭng kahan, lŏ mtrŭn agha êlam hĭn hlăm klei bi mguôp kluôm bruă lĭng kahan, anei jing bruă amâo mâo dưi kƀah ôh hlăm klei bi mguôp dua ala čar, hŏng klei thâo bi đru msĕ si ayŏng adei, dơ̆ng mơ̆ng ênuk bi blah sua mă klei êngiê kơ djuê ana, bi hluh lir lăn čar, lehanăn wăt hlăm bruă rŭ mdơ̆ng lehanăn răng mgang ala čar ară anei./.