Hdră anei mâo Khăm-phăn Phởi-nhạ-vông, Khua bruă kiă kriê klei hâo hưn gưl dlông Lao djă akŏ hriê čhưn lehanăn mă bruă ti Việt Nam. Blŭ hrăm ti anôk drông khua gĭt gai Đảng Nguyễn Phú Trọng lač Đảng, knŭk kna, lehanăn phung ƀuôn sang Việt Nam bi myuôm klei khăp sĭt suôr, mđrăm mbĭt hlăm djăp mta bruă mơ̆ng klei krŭ kdơ̆ng sua mă klei êngiê, truh kơ bruă rŭ mdơ̆ng răng mgang lăn čar ară anei.

Khua gĭt gai Đảng bi mni kơ klei hgŭm dua anôk bruă kiă kriê klei hâo hưn gưl dlông, wăt kơ boh tŭ dưn klei bi trông,đru leh hlăm bruă bi kjăp klei bi mguôp Việt Nam – Lao, lehanăn čang hmăng hlăm wưng kơ anăp, dua nah lŏ dơ̆ng mđĭ hĭn boh tŭ dưn leh mâo, lŏ ngă tŭ jing hĭn bruă kđi čar mâo jao, hgŭm kjăp, hlue ngă tŭ jing klei leh bi tŭ ư ti gưl dlông mơ̆ng dua Đảng, dua knŭk kna lehanăn klei hgŭm dua bruă hâo hưn gưl dlông./.