Hruê mbruê 18/11, ti anôk bruă Đảng gưl dlông, Êpul khua gĭt gai gưl dlông kơ bruă gang mkhư̆ klei ƀơ̆ng ngăn, klei amâo mâo jăk mkŏ mjing leh klei kƀĭn ti gŭ klei gĭt gai mơ̆ng Khua gĭt gai Đảng Nguyễn Phú Trọng.Bi klă hlăm klei kƀĭn, mbĭt hŏng klei pah mni, yap yuôm bhăn dŭm boh tŭ dưn hlăm bruă gang mkhư̆ klei ƀơ̆ng ngăn, klei amâo mâo jăk hlăm wưng êgao, Khua gĭt gai Đảng Nguyễn Phú Trọng ăt ktrâo klă bruă gang mkhư̆ klei ƀơ̆ng ngăn, klei amâo mâo jăk ăt dôk mâo lu klei dleh kpăk msĕ si: Dŭm klei ngă soh, boh klei êmưt bi ruê̆ klei mgaih msir hluê si hdră kčah mơ̆ng Êpul gĭt gai.

Khua gĭt gai Đảng Nguyễn Phú Trọng lač klă: hlăm bruă gang mkhư̆ klei ƀơ̆ng ngăn, klei amâo mâo jăk srăng ngă ktang phĭt leh anăn hrăm mbĭt, ktang phĭt plah wah mkŏ mjing leh anăn gang mkhư̆, plah wah bruă mkŏ mjing kluôm ênŭm klei kiă kriê čiăng msir hĕ dŭm ƀăng huâng hŏng bruă hluê ngă dŭm hdră êlan gang mkhư̆ klei ƀơ̆ng ngăn, mđĭ klei ksiêm dlăng, ktuê dlăng, ksiêm duah, tĭng mkă čiăng hmao ƀuh dŭm klei amâo mâo jăk hŏng bruă ksiêm duah, kčŭt hưn, ƀuah mkra klei ngă soh.