Aguah mbrue (29/11), ti anôk bruă Đảng, Phŭn bruă kđi čar, Êpul khua kiă kriê mkŏ mjing leh klei bi kƀĭn kluôm ala hŏng onilne kơ klei hlue ngă hdră mtrŭn mrô 30-NQ/TW mơ̆ng phŭn bruă kđi čar gưl 13, kơ hdră mđĭ kyar bruă duh mkra ala ƀuôn, bruă răng mgang klei êđăp ênang krĭng Dap Mnai Krông Hồng truh thŭn 2030, lehanăn tă hdră truh kơ thŭn 2045. Khua gĭt gai Đảng Nguyễn Phú Trọng kiă kriê lehanăn mâo klei blŭ yuôm bhăn ti anôk bi.  Anei jing klei bi kƀĭn bruă bi lar lehanăn hlue ngă dŭm hdră mtrŭn mơ̆ng Phŭn bruă kđi čar gưl 13 hŏng jih jang 6 krĭng duh mkra ala ƀuôn hlăm kluôm ala. Krĭng Dap Mnai krông Hồng mâo 11 boh čar, ƀuôn prŏng dôk hlăm gưl dlông.

Hlăm hƀuê ênuk dŭm êbâo thŭn rŭ mdơ̆ng lehanăn răng mgang lăn čar mơ̆ng djuê ana pô, anei jing anôk jăk nanao kơ krĭng ƀuôn prŏng phŭn, jing anôk yuôm bhăn hĭn kơ kluôm ala hlăm bruă kđi čar, bruă duh mkra, bruă yang ƀuôn, bruă răng mgang klei êđăp ênang, lehanăn bruă hŏng tač êngao. Hdră mtrŭn mrâo srăng mjing kơ klei bi mlih ktang hlăm bruă duh mkra ala ƀuôn, bruă răng mgang klei êđăp ênang ti krĭng Dap mnai krông Hồng lehanăn hlăm kluôm ala êjai hlăm wưng mđĭ kyar mrâo./.