Ti anôk bi kƀĭn, Khua gĭt gai Đảng Nguyễn Phú Trọng, khua lăn čar Nguyễn Xuân Phúc, khua knŭk kna Phạm Minh Chính čih pioh bi myuôm jih jang klei gĭr, lehanăn klei thâo bi hmô, ba akŏ lehanăn jih jang boh tŭ dưn Bruă Đảng kahan ksiêm gưl dlông mâo leh, Phŭn bruă kahan ksiêm hlăm thŭn 2022, lač, êpul kahan ksiêm mâo bi leh jăk bruă jao.

Kơ bruă čuăn hlăm wưng kơ anăp, Khua gĭt gai Đảng Nguyễn Phú Trọng mtă, bruă Đảng kahan ksiêm gưl dlông lŏ dơ̆ng mâo lu klei bi hmô jăk, dlăng yuôm bhăn bruă mkŏ mjing Đảng, mkŏ mjing êpul kahan ksiêm, yap anei jing bruă phŭn, jing knơ̆ng kơ thŭn 2023, lehanăn kơ dŭm thŭn tinăp, dưn yua bruă klam pô hlăm klei kiă kriê bruă răng mgang klei êđăp ênang, đru hlue ngă tŭ jing hdrăm trŭn mơ̆ng gưl dlông kơ bruă mđĭ kyar klei duh mkra, lehanăn bruă răng mgang klei êđăp ênang truh thŭn 2030, lehanăn tă hdrăt ruh kơ thŭn 2045, kơ 6 krĭng hlăm kluôm ala, ktưn lŏ dơ̆ng ba wĭt lu klei tŭ dưn, lehanăn bi leh bruă jao, tal êlâo jing hlăm thŭn 2023, lehanăn hlăk jih wưng 2020 – 2025./.