Aguah hrue 3/2, Adŭ bruă Đảng gưl dlông mkŏ mjing klei bi tuôm “Mơak Đảng - Mơak Yan mnga” hơêč hmưi Tết kơ knuă druh, phung mă bruă hlăm Adŭ bruă Đảng gưl dlông. Bi ala kơ Phŭn bruă kđi čar, Anôk dlăng bruă Đảng, Khua gĭt gai Đảng Tô Lâm bi mni kơ boh tŭ phung knuă druh, phung mă bruă hlăm Adŭ bruă Đảng gưl dlông mâo leh hlăm bruă đru kčĕ, gĭt gai mơ̆ng bruă Đảng gưl dlông, Phŭn bruă kđi čar, Anôk dlăng bruă Đảng.

Khua gĭt gai Đảng brei thâo, hlăm hruê mă bruă tal êlâo hlăm thŭn mrâo Ất Tỵ, Adŭ bruă Đảng gưl dlông lŏ mkŏ mjing, hŏng bruă klam mrâo. Kơ bruă klam hlăm wưng kơ anăp, čiăng ngă djŏ klei čiăng gĭt gai mơ̆ng Đảng leh anăn Knŭk kna, Khua gĭt gai Đảng Tô Lâm mtă, Adŭ bruă Đảng gưl dlông lŏ dơ̆ng ngă jăk bruă klam pô, mđĭ lar knhuah gru bi hgŭm, gĭr mâo hdră kñăm kčah leh hŏng hnơ̆ng jăk, boh tŭ dưn lu hĭn thŭn 2024, bi leh jăk bruă klam Anôk bruă Đảng gưl dlông,  Phŭn bruă kđi čar, Anôk dlăng bruă Đảng đăo knang jao bruă.