Ti anôk bi kƀĭn, mơ̆ng hdră bi trông, Anôk gĭt gai tĭng dlăng, mơ̆ng akŏ thŭn truh kơ ară anei, khădah dôk mđing hluê ngă lu bruă klam yuôm bhăn, mjêč, boh nik jing bi leh bruă mkŏ dăp, bi khuăt anôk bruă; ƀiădah hŏng klei hgŭm mơ̆ng jih anôk bruă kđi čar, klei gĭt gai kjăp mơ̆ng Gưl dlông, Phŭn bruă kđi čar; Anôk dlăng bruă Đảng lehanăn Khua gĭt gai Đảng Tô Lâm – Khua anôk bruă gĭt gai; mbĭt hŏng klei gĭr mơ̆ng dŭm anôk bruă djŏ tuôm, hdră gang mkhư̆ klei ƀơ̆ng ngăn, klei bi liê ti mang, klei ngă amâo jăk dưi pŏk ngă kluôm, hŏng lu hdră ngă bruă mrâo, klă mngač.

Mbĭt anăn, hdră gang mkhư̆ klei ƀơ̆ng ngăn, klei bi liê ti mang, klei ngă amâo jăk ba wĭt leh boh tŭ dưn klă sĭt, ƀrư̆ hruê mkăp jăk hĭn hlăm hdră mkŏ mkra Đảng, anôk bruă kđi čar lehanăn mta kñăm mđĭ kyar bruă duh mkra – ala ƀuôn, đĭ kyar 8% hlăm thŭn anei lehanăn đĭ kyar 2 mrô hlăm dŭm thŭn ti anăp./.