Ƀri nao ti Klei bi kƀĭn gưl dlông BRICS pŏk mlar lehanăn hluê ngă dŭm hdră dua nah ti Brazil, Khua knŭk kna Phạm Minh Chính bi tuôm leh hŏng khua anôk bruă Granja Fujikura – anôk bruă lŏ hma ba yua kdrăp mrâo ti Brazil hlăm anôk Granja Fujikura mơ̆ng Japon. Khua knŭk kna Phạm Minh Chính brei thâo, Việt Nam dôk mtrŭt mđĭ hdră mnia mblei, duh bi liê hŏng Brazil, kyua anăn bi mni êdi dŭm êpul grŭp, anôk bruă duh mkra Brazil mtrŭt mđĭ klei bi mjĕ anei đĭ kyar hĭn. Khua knŭk kna čang hmăng dŭm anôk bruă duh mkra mâo kơhưm srăng đru mtrŭt Việt Nam dưi siñê FTA hŏng êpul MERCOSUR lehanăn Klei kuôl kă dleh dlan răng mgang bruă duh bi liê.

Mbĭt anăn, čang hmăng Anôk bruă lŏ dơ̆ng bi hgŭm anôk bruă duh mkra Việt Nam hŏng dŭm anôk bruă duh mkra Brazil.Khuaknŭk kna mñă, klei Anôk bruă Fujikura Quail Genetics bi hgŭm hŏng anôk Trọng Khôi ba wĭt boh tŭ kơ jih dua tĭng kyua anôk bruă mâo klei găl kơ gen lehanăn srăng bi mrâo mrang anôk bruă rông mnơ̆ng, hlăm êdei anăp, 2 anôk bruă srăng ba wĭt lu boh tŭ hlăm wăl anôk mnia mblei dua ala čar./.