Ti anôk trông čhai mâo 35 čô phung khua kiă kriê, lehanăn pô bi ala mơ̆ng dŭm ala čar hgŭm, lehanăn tue jak iêo mơ̆ng êpul hgŭm BRICS, mbĭt hŏng phung khua kiă kriê mơ̆ng dŭm êpul bruă lehanăn êpul hgŭm lu ala čar, êpul hgŭm mnia mblei dlông rŏng lăn (WTO), Êpul hgŭm bruă mdrao mgŭn dlông rŏng lăn (WHO), dŭm hdră mtrŭn kơ klei bhiăn ngăn prăk mđĭ kyar dlông rŏng lăn lehanăn alŭ wăl. Blŭ hrăm ti anôk bi kƀĭn Khua knŭk kna Phạm Minh Chính mñă bruă klam mơ̆ng dŭm ala čar nah dhŭng hlăm klei kiă kriê tar rŏng lăn.

Khua knŭk kna mâo bi êdah tlâo mta klei yuôm bhăn, pioh ngă hlăm klei bi hgŭm lu tĭng tui hlue djŏ tui si klei bhiăn Êpul hgŭm lu ala čar, lehanăn klei bhiăn dlông rŏng lăn, tui tiŏ klei mnia mblei êngiê, bi mpŭ kơ klei dưi djŏ hŏng klei bhiăn, klei năng kơ dŭm ala čar, dưn yua jih ai ktang kơ klei thâo mĭn anak mnuih (AI) pioh ngă bruă kơ anak mnuih./.