Khua bruă kƀĭn ala Trần Thanh Mẫn mđĭ bi hgŭm êa pui êwa čuh hŏng Petronas Malaysia
Thứ năm, 10:22, 18/09/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV.Êđê- Tlam 17/9, hlăm jar nao hlăm Klei bi kƀĭn prŏng AIPA – 46 leh anăn gưl nao čhưn klă sĭt ti Malaysia, Khua bruă kƀĭn ala Trần Thanh Mẫn nao mă bruă hŏng khua gĭt gai Êpul grup êa pui êwa čuh ala čar Malaysia (Petronas).
Khua bruă kƀĭn ala bi mni kơ klei đru mguôp mơ̆ng Petronas hŏng klei djăp êa pui êwa čuh Việt Nam leh anăn klei bi hgŭm Việt Nam - Malaysia. Ñu lač klei bi hgŭm êa pui êwa čuh plah wah dua tĭng adôk lu klei găl hlăm boh klei dŭm ala čar mđĭ bi mlih êa pui êwa čuh.
Khua bruă kƀĭn ala čang hmăng Petronas lŏ dơ̆ng bi hgŭm hŏng Việt Nam, rơ̆ng phŭn mkăp êa pui kjăp, sui; pŏk mlar klei bi hgŭm hlăm êa pui êwa čuh mtah, lŏ mkra mjing; pŏk ngă tŭ dưn dŭm hdră bruă ƀuăn rơ̆ng, hlue ngă hdră bhiăn dua ala čar. Mbĭt anăn, mtă kơ Petronas đru mtô mnuih mă bruă, ba jao kdrăp mrâo mrang, boh nik hdră bruă êa pui êwa čuh ênuk mrâo mĭn tĭng ba hlăm bruă mnia blei mơ̆ng thŭn 2025.
Viết bình luận