Blŭ hrăm ti anôk mă bruă, Khua gĭt gai Đảng Tô Lâm brei thâo, boh sĭt ti dŭm alŭ wăl dôk ba yua jar bi mklă ênoh lăn yuôm êdi, ngă kơ ênoh bi liê msir mghaih anôk ala hluê ngă dŭm hdră duh bi liê knŭk kna đĭ, ngă kơ ênoh lăn đĭ lehanăn ba lu klei amâo jăk mkăn.

Hluê hŏng klei anei, Khua gĭt gai Đảng Tô Lâm lač klă, klei čih mkra hdră bhiăn brei ba yua djŏ boh tŭ yuôm mơ̆ng lăn anăp mđing truh kơ boh tŭ yuôm mơ̆ng lăn hŏng sa hdră bi knar, tŭ dưn, bi kdơ̆ng hŏng klei bi liê, boh nik gang mkhư̆ hŏng klei ba wĭt boh tŭ kơ êpul. Kyua lăn ala jing mta mnơ̆ng yua hlăm hdră ngă bruă mơ̆ng hdră duh mkra, anei ăt jing klei mĭn mơ̆ng Đảng lehanăn Knŭk kna. Khua gĭt gai Đảng mñă, dŭm klei mĭn, hdră êlan mtrŭn yuôm bhăn mơ̆ng Klei čih mkra hdră bhiăn mkra mlih, brei mdưm hlăm hdruôm hră bhiăn kluôm djŏ tuôm kơ dŭm bruă msĕ si jia, sang dôk, čhĭ lăn ala sang dôk, čuăl mkă lăn, mnơ̆ng hlăm gŭ lăn./.