Dak Lak bi kƀĭn hŏng phung čih klei mrâo mlan 8, bi liê bruă knŭk kna ka mâo 40%
Thứ năm, 10:22, 18/09/2025
Pô mblang H'Zawut Ƀuôn Yă / VOV Tây Nguyên
Pô mblang H'Zawut Ƀuôn Yă / VOV Tây Nguyên
VOV.Êđê- Tlam 17/9, Knơ̆ng bruă sang čư̆ êa čar Dak Lak mkŏ mjing klei bi kƀĭn hŏng phung čih klei mrâo grăp gưl mlan 8/2025, mkăp klei hâo hưn kơ boh klei bruă duh mkra- ala ƀuôn, lĭng kahan - êđăp ênang leh anăn wĭt lač dŭm mta bruă klei mrâo êmuh.
Boh phŭn mâo mđing kƀĭn hlăm hnơ̆ng bi liê bruă knŭk kna, anôk bruă êlan klông jhat rai, bruă msir mgaih anôk ala dŭm hdră bruă phŭn, prăk hrui mă akŏ thŭn hriăm lu, hŏng bruă kriê dlăng anôk mdrao kơ êgei.
Wĭt lač pô čih klei mrâo Sang mđung asăp blŭ Việt Nam, Trương Công Thái, K’iăng Khua Knơ̆ng bruă sang čư̆ êa čar, brei thâo thŭn 2025 Dak Lak mâo mbha êbeh 16 êbâo êklai prăk, ƀiădah truh knhal jih mlan 8 mrâo bi liê ka mâo 40%. Čar mâo leh hră mơar mkra mlih, mtă kơ dŭm anôk bruă mjêč bi leh hră mơar, rơ̆ng bi leh hdră kñăm bi liê hlăm thŭn. Knơ̆ng bruă sang čư̆ êa čar bi mklă srăng gĭr gĭt gai mđĭ pral hnơ̆ng, ngă djŏ klei čiăng mđĭ kyar bruă duh mkra- ala ƀuôn.
Viết bình luận