Blŭ hrăm ti anôk bi kƀĭn, Khua knŭk kna Phạm Minh Chính mñă mđĭ hĭn klei đăo knăl, klei mtă brei răng kơ djăp mta klei jŭ jhat hlăm klei kdjăt, mâo hdră êlan ksiêm duah kjăp, păn kjăp boh klei, mơ̆ng anăn mâo hdră mghaih msir bi djŏ guôp.

Hlăm wưng tinăp, Khua knŭk kna mtă mđĭ hĭn klei thâo săng kơ klei jŭ jhat hŏng klei kdjăt, mâo klei hâo hưn, mtô bi hriăm, kñăm thâo kral klei jŭ jhat huĭdah truh hŏng klei kdjăt. Khua knŭk kna mtă kơ Phŭn bruă kahan ksiêm, mđĭ bi ktang phung knuă druh ngă bruă, mđĭ klei thâo hlăm bruă knuă, kăp bi kdơ̆ng lehanăn mdrơ̆ng hŏng djăp mta klei jŭ jhat, pral mâo klei bi hgŭm hŏng dŭm phŭn dhar bruă, mkŏ mjing hdră êlan hluê ngă hlăm bruă răng mgang, gang mkhư̆ djăp mta klei jŭ jhat hŏng klei kdjăt truh thŭn 2030, tă hdră răng mgang truh thŭn 2045.