Klei bi kƀĭn dưi mkŏ mjing hluê hdră klă anăp bi mguôp hŏng online hŏng êbeh 1.140 anôk mkŏ hŏng dŭm anôk bruă Đảng, êbeh 12.500 čô đảng viên nao hgŭm.

Ti anôk bi kƀĭn, Trần Thanh Trường, Khua knơ̆ng bruă mkŏ mjing, klei bhiăn; Anôk mkŏ mjing Gưl dlông nao mtô mblang leh dŭm mta klei phŭn mơ̆ng Klei kčah mtrŭn mrô 294 lehanăn Ktrâo lač mrô 06. Sa hlăm dŭm mta phŭn jing bruă mkŏ dăp Anôk bruă Đảng hluê anôk bruă knŭk kna 2 gưl, gưl čar lehanăn gưl să, lui gưl kdriêk, djŏ guôp hŏng hdră mkŏ dăp anôk bruă knŭk kna. Gưl dlông ăt thiăm mbŏ dŭm klei bhiăn, mkŏ mjing anôk bruă Đảng să, ƀuôn hgŭm mrâo dôk hlăm Anôk bruă Đảng čar; kčah mtrŭn klă kơ bruă mkŏ mjing bruă Đảng ti dŭm krĭng wăl mbĭt anăn mkra mlih, lăm lui dŭm mta klei kñăm rơ̆ng klei khuăt, ênưih hluê ngă./.