Khua gĭt gai Đảng Tô Lâm bi mni kơ Êpul bi ala gưl dlông Đảng cộng sản Prăng hriê čuă Việt Nam, đru mđĭ hĭn klei đăo knang hlăm bruă kđi čar, hyuă kjăp hĭn klei bi mguôp jăk siam plah wah dua Đảng, kyua klei tŭ dưn mơ̆ng mnuih ƀuôn sang dua ala čar, đru mguôp kơ klei êđăp ênang, đĭ kyar hlăm krĭng lehanăn tar rŏng lăn. Khua gĭt gai Đảng Tô Lâm bi myuôm klei gĭr mơ̆ng Đảng cộng sản Prăng kñăm mđĭ kơhưm, klei đua klam mơ̆ng Đảng, đru mguôp hlăm hdră kdơ̆ng mblah kyua klei êđăp ênang, hơĭt kjăp, ngă phŭn mil pô lehanăn đĭ kyar yang ƀuôn ti Prăng, Ơrôp lehanăn tar rŏng lăn.

Khua gĭt gai hâo hưn leh kơ boh tŭ Việt Nam dưi mâo hlăm giăm 40 thŭn mlih mrâo hŏng klei gĭt gai mơ̆ng Đảng Cộng sản Việt Nam. Khua gĭt gai Đảng Tô Lâm mtă kơ dua Đảng lŏ dơ̆ng mđi hdră bi hgŭm, mâo Klei bhiăn kƀĭn bi trông klei thâo kñăm đru klei thâo kơ bruă mơ̆ng grăp Đảng ti dua ala čar./.