Khua gĭt gai Đảng mñă klă, Mi jing ƀĭng hgŭm bruă duh mkra lehanăn duh biê liê mrô sa mơ̆ng Việt Nam, čih yap dŭm klei đĭ kyar pral, kluôm dhuôm hlăm klei bi mjĕ Việt Nam – Mi hlăm 30 thŭn êgao mơ̆ng leh lŏ bi jăk klei bi mjĕ, hlăm anăn hdră bi hgŭm bruă duh mkra, mnia mblei lehanăn dub bi liê jing mta phŭn hlăm klei bi mjĕ dua nah.

Khua gĭt gai Đảng čang hmăng phung duh bi liê ala tač êngao, hlăm anăn mâo phung duh bi liê mơ̆ng Mi lŏ dơ̆ng mđĭ hdră duh bi liê ti Việt Nam, boh nik hlăm bruă bi mlih mrô, bi mlih mtah, pui kmlă lŏ mkra mjing, pui kmlă doh, mdrơ̆ng hŏng klei bi mlih yan adiê. Khua gĭt gai Đảng Tô Lâm mtă kơ anôk bruă duh mkra Mi, hlăm anăn mâo Keh KKR lŏ dơ̆ng đru mguôp hlăm hdră mtrŭt mđĭ klei bi hgŭm dua nah, boh nik hlăm hdră duh mkra, kreh knhâo lehanăn kdrăp mrâo mơ̆ng dua ala čar./.