Hlăm klei kƀĭn trông, phung bi ala hmư̆ klei blŭ mguôp hlăm klei hưn kđi čar mơ̆ng Êpul khua bruă Đảng gưl dlông gưl 13, hưn mdah bi klă 5 thŭn hluê ngă hdră êlan mđĭ kyar bruă duh mkra ala ƀuôn 10 thŭn wưng thŭn 2021 – 2030, hdră tă, bruă klam mđĭ kyar bruă duh mkra ala ƀuôn 5 thŭn, wưng thŭn 2026 – 2030, hưn mdah ksiêm wĭt bruă mkŏ mjing Đảng leh anăn hluê ngă hdră bhiăn Đảng leh anăn klei hưn ksiêm wĭt đa đa klei hlăk mblang leh anăn boh sĭt mơ̆ng klei mlih mrâo lăn čar hluê êlan yang ƀuôn ngă phŭn hlăm 40 thŭn êgao.

Blŭ hlăm hlăm klei kƀĭn trông, Khua gĭt gai Đảng Tô Lâm lač klă, dŭm mta hră mơar hưn hlăm Klei kƀĭn kluôm bruă Đảng tal 14 srăng jing mnơ̆ng bi kƀĭn mơ̆ng klei thâo mĭn êpul êya, srăng mâo klei nao hgŭm mơ̆ng dŭm anôk bruă, êpul dhar bruă gưl dlông, dŭm alŭ wăl, dŭm êpul êya kđi čar yang ƀuôn leh anăn mnuih ƀuôn sang, boh nik jing klei nao hgŭm mơ̆ng phung khua gĭt hđăp mơ̆ng Đảng leh anăn knŭk kna.