Jing čar krĭng dlông, krĭng knông lăn mâo boh tŭ yuôm hlăm bruă lĭng kahan, răng mgang klei êđăp ênang lehanăn bruă hŏng tač êngao, dôk lu klei dleh dlan ƀiădah čar Hà Giang mâo leh knhuang đĭ kyar jăk siamhlăm hdră duh mkra – ala ƀuôn, rŏng kjăp bruă lĭng kahan, răng mgang klei êđăp ênang, gĭr mkra mđĭ klei hdĭp mnuih ƀuôn sang dŭm djuê ana ti krĭng taih kbưi, krĭng dleh dlan. Ti anôk mă bruă, Khua gĭt gai Đảng Tô Lâm lač klă leh dŭm klei găl mâo mŏng alŭ wăl; mtă hlăm wưng ti anăp brei alŭ wăl mđing kơ hdră mđĭ kyar bruă duh mkra – ala ƀuôn, mđĭ lar jih klei găl mâo, krŭ wĭt jih klei dưi, ai mâo, ba Hà Giang đĭ kyar kluôm dhuôm, gĭr dưi bi knar hŏng hnơ̆ng kah knar mơ̆ng kluôm ala čar. Brei Hà Giang lŏ gĭr ktưn hĭn, pral kdal, mlih mrâo, jhŏng mĭn, jhŏng ngă, mkra mlih bruă ngă hră mơar lehanăn wăl anôk duh bi liê, mnia mblei, pral tui duah hdră msir amâo djŏ knŏng dôk čang guôn klei đru mơ̆ng Gưl dlông.

Êlâo anăn, Khua gĭt gai Đảng Tô Lâm mbĭt hŏng êpul ngă bruă nao dưm leh kwang mnga, čuh brui mngưi bi hdơr kơ Khua gĭt gai Hồ Chí Minh ti Knưng bi hdơr kơ Awa Hô hlăm Wăl anôk bruă Đảng čar Hà Giang./.