Tui si klei hâo mdah, thŭn anei, dŭm gưl bruă Đảng mâo ksiêm leh truh êbeh 55 êbâo êpul bruă Đảng lehanăn êbeh 300 êbâo čô Đảng viên. Leh klei ksiem dlăng mâo bi mklă mâo êbeh 1.700 êpul bruă Đảng lehanăn êbeh 6 êbâo čô Đảng viên ngă soh.

Blŭ hrăm gĭt gai klei bi kƀĭn, Khua gĭt gai Đảng Tô Lâm mtă, hlăm wưng tinăp ngă jih jang bruă kñăm gang mkhư̆ klei soh čhuai, amâo mâo anôk kăm ghă ôh hlăm klei ksiêm dlăng, kñăm mđĭ hĭng bruă rŭ mdơ̆ng   Đảng doh mngač, kjăp ktang djŏ hŏng bruă čuăn hlăm boh klei mrâo. Khua gĭt gai Đảng mtă kơ dŭm gưl bruă Đảng, dhar bruă ksiêm dlăng djăp gưl pral mkŏ dăp, êpul ngă bruă hŏng klei khuăt kjăp anôk bruă Đảng, Knŭk kna, hlăm anăn dhar bruă ksiêm dlăng, ngă hĕ bi djŏ hŏng Êpul khua gĭt gai gưl dlông ksiêm wĭt bruă hlue ngă hdră mtrŭn mrô 18 rơ̆ng bi djăp ênŭm, bi sa hnơ̆ng, khuăt kjăp ngă bruă mâo klei tŭ jing./.