Hluê hŏng dŭm klei blŭ bi trông mâo klei đua klam mơ̆ng phung bi ala nao ti knăm anei, klah čŭn, Khua gĭt gai Đảng Tô Lâm bi mni kơ dŭm klei gĭr, boh tŭ êdah êdi mơ̆ng Anôk bruă kriê dlăng klei hâo hưn gưl dlông mơ̆ng akŏ wưng Klei bi kƀĭn tal XIII truh kơ ară anei. Kơ bruă klam hlăm wưng ti anăp, Khua gĭt gai Đảng Tô Lâm mtă, Anôk kriê dlăng klei hâo hưn gưl dlông brei mđing hluê ngă jăk hĭn hdră đru kčĕ mkŏ mkra Đảng kơ bruă kđi čar, klei mĭn, knhuah hdĭp, dlăng anei jing bruă klam phŭn.

Lŏ dơ̆ng mlih mrâo, mđĭ hnơ̆ng tŭ jăk, boh tŭ hdră đru kčĕ, mta phŭn jing dŭm bruă mâo hnơ̆ng trah dlăng kluôm, sui thŭn lehanăn hơĭt kjăp hlăm hdră hâo hưn. Đru kčĕ, gĭt gai, mkŏ mjing jăk dŭm knăm bi hdơr, bruă yuôm mơ̆ng ala čar. Hưn mthâo, bi trông mă klei blŭ đru mguôp mơ̆ng phung knuă druh, đảng viên, mnuih ƀuôn sang hlăm Hră mơar Klei bi kƀĭn./.