Ƀri bi hdơr hrue mkŏ mjing hdră bhiăn Việt Nam 9/11/2024, aguah mbrue, ti Hà Nội,  Khua gĭt gai Đảng Tô Lâm nao čuă lehanăn mă leh bruă hŏng êpul khua kiă kriê anôk bruă knuă druh Đảng Phŭn bruă hlue ngă hdră bhiăn, kơ boh tŭ dưn klei kiă kriê lehanăn hlue ngă bruă čuăn, lehanăn bruă mprăp kơ klei bi kƀĭn prŏng Đảng.

Ti anôk mă bruă, Khua gĭt gai Đảng Tô Lâm bi ala kơ Đảng, Knŭk kna mơĭt klei hơêč hmưi jăk siam truh hŏng phung knuă druh, mnuih mă bruă hlăm phŭn bruă, lehanăn dhả bruă hlue ngă hdră bhiăn hlăm kluôm ala. Čiăng kơ lăn čar mâo klei đĭ kyar kjăp nao hlăm ênuk kpư̆n đĭ mrâo, pral mâo ba wĭt klei tŭ jing tui si hdră êlan mơ̆ng Đảng tă čua, Khua gĭt gai Đảng Tô Lâm mtă, hlăm wưng ti anăp phŭn bruă anei lŏ dơ̆ng mlih mrâo hdră mă bruă, anăp truh kơ klei bi kjăp jih jang bruă, ba wĭt klei tŭ dưn, lehanăn răng mgang klei tŭ dưn kơ jih jang mnuih, bi leh bruă kčah jao, rơ̆ng hlăm klei mtăp mđơr hlăm yang ƀuôn, bi djŏ hŏng klei đĭ kyar kluôm, mă bruă hŏng klei klă mngač, lehanăn mâo klei bi mguôp kjăp kơ klei mđĭ kyar./.