Hlăm ai êwa kdrưh kơăm, mgei ai tiê, Khua gĭt gai Đảng Tô Lâm čuh leh brui mgưi, hŏng klei mpŭ bi hdơr kơ khua gĭt gai Hồ Chí Minh – khua gĭt gai mơ̆ng djuê ana Việt Nam. Khua gĭt gai Đảng Tô Lâm mgei ai tiê čih dŭm pruê boh hră bi hdơr: “Truh kơ ară anei, drei lŏ thâo săng hĭn ya ngă khua gĭt gai Hồ Chí Minh amâo djŏ knŏng jing klei tưn hưn mơ̆ng djuê ana ƀiădah lŏ mâo tar rŏng lăn mpŭ mni.

Wĭt tinei, drei dưi wĭt ti sang pô, jĕ giăm, khăp hơiêng, boh hŏng klei khăp leh anăn ăt dôk ƀuh awa dôk tinei”. Yăl dliê hŏng phung knuă druh wăl kriê pioh, khua gĭt gai Đảng bi êdah, dưi nao čuă anôk awa mă bruă êjai dôk hdĭp ƀuh klei mjĕ giăm, grăp mta mnơ̆ng awa yua dưi bi êdah rup sa čô khua gĭt gai prŏng. Yap yuôm bhăn phung mă bruă wăl kriê pioh mâo bruă đua klam răng mgang leh anăn bi lar dŭm boh tŭ dưn ti wăl kriê pioh đru kơ phung tuê hlăm leh anăn êngao lăn čar êjai hriê čuă dlăng mâo nanao klei ƀuh msĕ hŏng awa ăt dôk tinei hŏng drei.