Ƀri wưng bi hdơr 80 thŭn Hruê mkŏ mjing lĭng kahan yang ƀuôn Việt Nam, 35 thŭn Hruê jih jang mnuih ƀuôn sang răng mgang klei êđăp ênang lăn čar, tlam mbruê, ti Anôk bi kƀĭn Phŭn bruă lĭng kahan, Khua gĭt gai Đảng Tô Lâm, Khua knơ̆ng gĭt gai lĭng kahan gưl dlông nao hgŭm leh anăn gĭt gai mmông bi tuôm, mđĭ ai phung mda asei hlăm lĭng kahan. Blŭ yăl dliê hŏng phung bi ala êdam êra hlăm lĭng kahan, Khua gĭt gai Đảng Tô Lâm mñă klă, hlăm hƀuê ênuk 80 thŭn êgao, dŭm gưl phung hlăk ai  lĭng kahan duh myơr ai ktang, klei thâo, klei jhŏng hŏng klei mĭn kjăp, jih ai tiê duh myơr kơ lăn čar, đru kơ mnuih ƀuôn sang, nao êlâo, amâo mâo kdŭn hŏng djăp klei dleh dlan, arưp aram, nao djăp anôk, mă bruă bruă klam mâo lăn čar leh anăn mnuih ƀuôn sang čiăng.

Mñă ktang lăn čar drei dôk ti anăp klei găl hƀuê ênuk hlăm ênŭm mrâo, ênuk đĭ kyar, mdrŏng ktang, Khua gĭt gai Đảng Tô Lâm lač, dŭm klei hmăng hmưi anăn knang lu êdi kơ êpul êdam êra, hlăm anăn mâo phung hlăk ai hlăm lĭng kahan mâo bruă klam yuôm bhăn, jing kmeh gơ̆ng, nao êlâo, mâo Đảng, knŭk kna leh anăn mnuih ƀuôn sang čang guôn, hmăng hmưi hlăm klei kdlưn hĭn, klei kpưn đĭ mơ̆ng ai pô mơ̆ng phung hlăk ai hlăm lĭng kahan.