Bi ala phung khua kiă kriê Đảng, Knŭk kna jao leh Medai hnŭk ênguê mrô sa kơ Knơ̆ng bruă kđi čar Lĭng kahan yang ƀuôn Việt Nam, Khua gĭt gai Đảng Tô Lâm bi mni bruă klam lehanăn klei đru mguôp mơ̆ng anôk bruă kđi čar, êpul knuă druh kđi čar, anôk bruă Đảng boh nik jing bruă klam mơ̆ng Knơ̆ng bruă kđi čar hlăm hdră mkŏ mkra, kdơ̆ng mblah, tŭ dưn lehanăn đĭ kyar hlăm anôk bruă lĭng kahan dăl hlăm 80 thŭn êgao.

Mbĭt anăn, Khua gĭt gai Đảng mtă, hlăm wưng ti anăp, Knơ̆ng bruă kđi čar lŏ dơ̆ng mđĭ lar knhuah gru jăk siam mơ̆ng djuê ana mơ̆ng Lĭng kahan yang ƀuôn Việt Nam jhŏng ktang lehanăn knhuah gru kdrưh kơăm mơ̆ng anôk bruă đru mguôp năng hlăm hdră mkŏ mkra êpul lĭng kahan, lŏ bi kjăp hdră răng mgang ala čar Việt Nam yang ƀuôn ngă phŭn hlăm boh klei mrâo./.