Tŭ ư asăp jak iêu mơ̆ng Khua lăn čar Nguyễn Xuân Phúc, Khua gĭt gai Êpul hgŭm lu ala čar António Guterres hriê čhưn klă klơ̆ng ti Việt Nam mơ̆ng hruê 21-22/10/2022. Tlam 21/10, knăm drông dưi mkŏ mjing ti Adŭ bruă Khua lăn čar. Leh knăm drông, Khua lăn čar bi trông hŏng Khua gĭt gai Êpul hgŭm lu ala čar. Ti knăm anei, Khua lăn čar mñă leh kơ dŭm boh tŭ êdah êdi, mâo klei yuôm hƀuê ênuk mơ̆ng Việt Nam hlăm hdră mđĭ kyar lăn čar, mñă klă hdră êlan hŏng tač êngao hnŭk êngiê, ngă phŭn mil pô, lu tĭng, pral kdal lehanăn ñŭ kma hŏng tar rŏng lăn mơ̆ng Việt Nam.

Khua gĭt gai ăt bi êdah klei mpŭ lehanăn klei khăp yuôm bhăn kơ Khua gĭt gai Hồ Chí Minh lehanăn ala čar Việt Nam hlăm hdră kdơ̆ng mblah mtlaih êngiê djuê ana, mkŏ mkra lăn čar, h’êč hmưi dŭm boh tŭ mơ̆ng Việt Nam hlăm hdră gang mkhư̆ Covid 19, krŭ wĭt lehanăn mđĭ kyar bruă duh mkra – ala ƀuôn, đăo knang Việt Nam srăng pŏk ngă tŭ dưn hdră mtrŭn kluôm, mnuih ƀuôn sang jing phŭn, răng mgang wăl hdĭp mda, mdrơ̆ng hŏng klei bi mlih yan adiê, jing gru hmô tŭ jing čiăng kơ ala čar mkăn tui hriăm./.