Ti anôk bi tuôm khua knơ̆ng kiă kriê sang mđung asăp blŭ Việt Nam Đỗ Tiến Sỹ hơêč hmưi kơ jih jang khua anôk bruă bi ala Việt Nam ti ala tač êngao mâo ruah mdưm hlăm dŭm bruă yuôm bhăn, lehanăn mñă: Phung khua bi ala kơ knŭk kna jing pô bi ala brei kơ Đảng, knŭk kna lehanăn mnuih ƀuôn sang hlăm bruă hŏng ala tač êngao. Sang mđung asăp blŭ Việt Nam jing anôk bruă kơ klei blŭ anei yơh mơ̆ng Việt Nam mâo hdră mđung asăp blŭ kơ mnuih ala tač êngao, ngă leh jăk bruă kđi čar, bruă yang ƀuôn hŏng 13 klei blŭ mơ̆ng sang mđung asăp blŭ Việt Nam dôk mkŏ mjing hŏng lu hdră lač kơ “Việt Nam – ênuk kpưn đĭ”.

Kñăm bi êdah klei Đảng kiă kriê đru leh lăn čar kpưn đĭ hŏng klei ktang, tui tiŏ kơ sa ênuk mrâo kjăp ktang hĭn, mđĭ k’hưm pô hŏng ala tač êngao Khua knơ̆ng kiă kriê sang mđung asăp blŭ Việt Nam Đỗ Tiến Sỹ čang hmăng kơ êpul phung khua kiă kriê anôk bruă bi ala Việt Nam mâo hdră êlan bi mlih djŏ guôp hlăm ênuk ară anei, mđing kơ dŭm klei jing tŭ dưn kơ Việt Nam lehanăn Việt Nam ñŭ kma hŏng ala tač êngao./.