Khua knŭk kna bi tuôm hŏng êpul khua kiă kriê 18 phung duh mkra lehanăn êpul grŭp mơ̆ng China
Thứ ba, 10:30, 10/12/2024
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Mlam mmăt mbrue 9/12, ti anôk bruă knŭk kna, khua knŭk kna Phạm Minh Chính drông čhưn lehanăn mă leh bruă hŏng phung khua kiă kriê 18 phung duh mkra, êpul grŭp mơ̆ng djuê Nghiêm, mơ̆ng ala čar China, hlăk hriê čhưn lehanăn duah hdră êlan čiăng duh bi liê ti Việt Nam.
Khua knŭk kna lač, klei phung duh mkra mơ̆ng China hriê, čiăng mâo klei bi hgŭm hŏng Việt Nam kñăm bi sĭt klei phung khua prŏng dua ala čar bi tŭ ư leh, mđĭ klei hgŭm bruă kluôm dhuôm Việt Nam – China, mkŏ mjing sa yang ƀuôn thâo bi mguôp dua ala čar, đru hlăm klei mđĭ kyar mbĭt.
Knŭk kna Việt Nam mâo nanao klei mđĭ ai phung duh mkra China duh bi liê hlăm dŭm bruă China mâo klei găl, lehanăn Việt Nam mâo klei čiăng, msĕ si mbruă rŭ mdơ̆ng nah gŭ, nga mkra êlan klông, mđĭ kyar dŭm mta bruă mrâo, klei ba yua kdrăp mrâo, mđĭ kyar mtah, pui kmlă doh, rŭ mdơ̆ng ƀuôn prŏng thâo mĭn, bruă tuh tia kjăp./.
Viết bình luận