Ti knăm anei, Khua knŭk kna m’ak dưi bi tuôm hŏng Pô bi ala ƀri Khua knŭk kna mprăp nao čhưn kơ dŭm ala čar Ơrôp lehanăn nao ti Klei bi kƀĭn gưl dlông bi hdơr 45 thŭn hruê mkŏ mjing Klei bi mjĕ ASEAN – EU – gru kruăk yuôm hlăm klei bi mjĕ ASEAN – EU. Khua knŭk kna hưn mthaoa leh kơ hdră duh mkra – ala ƀuôn 11 mlan akŏ thŭn, dŭm boh tŭ dưi mâo hlăm hdră mlih mrâo lehanăn mta kñăm mđĭ kyar mâo Klei kƀĭn bruă Đảng kluôm ala tal XIII kčah mtrŭn, Khua knŭk kna mñă, Việt Nam jing sa ala čar hluê ngă hdră êlan hŏng tač êngao ngă phŭn mil pô, klah hjăn, lu tĭng, nuŭ kma êlam hŏng tar rŏng lăn, klă sĭt ba wĭt klei tŭ dưn…

Khua knŭk kna mtă kơ dua tĭng lŏ dơ̆ng bi hgŭm kjăp hluê ngă Klei kuôl kă bruă mnia mblei êngiê EVFTA lehanăn mtrŭt mđĭ dŭm ala čar hlăm EU hnưm bi mklă Klei kuôl kă răng mgang duh bi liê EVIPA, mtrŭt mđĭ hdră bi hgŭm bruă mnia mblei duh bi liê rơ̆ng klei bi knar, mđĭ hdră bi hgŭm dŭm hdră bruă đru mđĭ kyar ala čar Việt Nam./.