Hlăm klei kƀĭn trông, Phŭn bruă hdră êlan leh anăn duh bi liê ba mdah leh klei bi klă mơ̆ng Khua knŭk kna kơ bruă mkŏ mjing Êpul gơ̆ng mbha bruă krĭng dap mnai krông Hồng. Hluê anăn, Êpul gơ̆ng mbha bruă dưi bi klă amâodjŏ sa gưl bruă knŭk kna ƀiădah jing klei bi hmô mkŏ mjing tŭ dưn čiăng ksiêm dlăng, bi klă dŭm boh klei yuôm bhăn hlăm krĭng, đru mgaih msir dŭm boh klei dleh kpăk mơ̆ng sa alŭ wăl amâodưi mgaih msir, mbĭt anăn dưi mgaih msir dŭm klei ka thâo bi djŏ amâodah êgao klei dưi bi klă mơ̆ng dŭm Phŭn, dhar bruă leh anăn alŭ wăl hlăm krĭng.

Krĭng dap mnai krông Hồng dưi bi klă jing krĭng đĭ kyar pral, kjăp, hlăm anăn ƀuôn prŏng phŭn Hà Nội “Duh myơr – đĭ kyar – mrâo mrang” jing krĭng knơ̆ng, boh kdrŭt mtrŭt mđĭ klei đĭ kyar hlăm krĭng leh anăn kluôm lăn čar, gĭr ktưn bi knar hŏng dŭm ƀuôn prŏng phŭn dŭm ala čar đĭ kyar hlăm alŭ wăl. Hlăm klei kƀĭn trông anei, khua gĭt gai dŭm phŭn, dhar bruă, alŭ wăl bi trông leh anăn mkŏ mjing hdră čuăl mkă krĭng dap mnai krông Hồng wưng thŭn 2021 – 2030, tă hdră truh ti thŭn 2050 hŏng klei mĭn hdră êlan, hdră tă wưng sui, rơ̆ng kơ klei mkŏ, hrăm mbĭt, sa ai, tŭ dưn leh anăn kjăp.